大家好!!!
話說今年1月,我係呢個網站上搵到一個自稱針清專家既人去清走我面上既黑頭酒米,同幫我做保濕療程,初頭都無乜野,點知針清後佢就不停叫我加呢樣加果樣,又話我皮膚差到不得了,我開頭都好客氣同佢講我今次試左先如果ok我會再返黎,佢一聽到我咁講之後又話:你今次唔加呢d又點知d野係咪真係岩你,ok,我聽佢講加左支精華~~~佢係網站到講明加$68(係任何精華)用導入機做,點知導入中途我覺得塊面痕同佢講佢話我皮膚太乾所以會有呢種感覺,導入完再加個倒模就會無事~~~~
做完個faceial以為真係好d的確係無咁痕(少少痕,但都忍到)心諗都會直接返屋企,忍下啦!!!!點知好戲在後頭搭車回家途中塊面超痕攞塊鏡出黎照,成塊面紅晒同腫晒(一舊舊果種)....返到屋企亞媽問我塊面做咩,我話岩岩做完faceial,我亞媽即刻問咩faceial呀!!!搞到塊面咁,到左第二日塊面都仲係咁,我亞媽就叫我去睇dr.,dr.話我塊面敏感同埋有過類性病毒,dr.問我搞過d咩,我話我去左一間美容院做facial,後來我將成個過程同dr.講,dr.話第一如果塊面痕即係表示果隻產品唔岩我用要立即停,第二佢用既針去同我清黑頭酒米消毒得唔夠徹底所以令我感染過類性病毒.由於塊面腫晒dr.要求我打支降敏針同食類固醇同查類固醇,埋單要$600蚊呀!!!!由於塊面一達達我每日都只係返工放工返屋企連街都唔敢去,仲要帶住個口罩返工,我足足用左一個月至搞返好塊面,新年都唔敢影相, 當塊面好得77888,我肯出街勒!!同d朋友講,d朋友叫我去搵返呢間野理論,心諗去理論都無用都成個月前既事,後來有個朋友話就算唔叫佢倍葯費都要話佢知佢d產品唔得唔好害下一個人,當晚我朋友陪我上去呢間野,有位羅小姐開門問我搵邊位我話搵G*or*a,佢話佢搬走左,跟住我朋友唔信叫佢開門比我地入去睇,跟住果位羅小姐都好好人開門比我地入去望,點知我去返上次做faceial果間房真係咩都無晒,連燈都無埋(仲衰過雜物房,黑房一樣)後來我問羅小姐知唔知呢個女人搬左去邊,佢話佢都唔知...我問點會呀!!!佢話佢係呢到老闆娘呢個單位係佢租既,跟住羅小姐好無奈咁話我至係呢個單位租客,佢只係租我分出來既房,不過後來意見不合佢搬走了.跟住我問之前都有燈架,而家連一支燈都無,跟住羅小姐超無奈咁話佢連燈都拆走埋........所以間房至咁黑,最後我同我朋友都相信羅小姐講果個女人已經搬走了.因為我地都認為羅小姐既損失比我更嚴重,就當我唔好彩遇到呢d賤人.
最後我要係到同大家講係因為唔想大家同樣比呢個女人呃!!!!!因為呢個女人到現在都仲有係呢到留言佢個名係:g*b08*1*,好明顯呢個女人似出來呃錢搵食既人,各位姊妹們!!!小心呀!!! |
發表於 2012-2-24 19:34:20
收藏
提升卡
置頂卡
沉默卡
喧囂卡
變色卡
顯身卡